Fundashon Sonrisa ta ofresé bibienda protehá/ bou di guia i okupashon di dia pa klientenan ku un malesa sikiátriko króniko.

E gran parti di e fasilidatnan di bibienda i tambe e sentro di aktividat ta situá riba un tereno den e bario Mon Repos. Na un di dos lugá den e bario di Kanga, tambe Fundashon Sonrisa ta disponé die tres kas pa klientenan.

Klientenan
E kantidat di kliente ku Fundashon Sonrisa tin den kuido ta mas ku 100, esaki ta enserá tantu habitantenan komo klientenan ku ta hasi uso di e sentro di aktividat:
Na Mon Repos ta biba 17 habitante di kual kada ta disponé di un habitashon modesto. 6 kliente ta biba den "aanleunwoningen" ku ta konsiderabelmente mas grandi. Banda di esei tin 10 kliente ta biba independiente ku guia den kasitanan riba e sentro di aktividat. Na Kanga tin tres kliente ta biba den apartamentunan rèimu.