Na mart di e aña aki, Klinika Capriles i FMA a akordá un protokòl ku meta pa traha riba logra ku pa 1 di yüni 2018 nan respektivo fasilidatnan “Un Mihó Mañan” (UMM) i “Dios Yudami” ta físikamente ubiká na ún lugá i ta kombiná den sentido organisatorio. Esaki awor a resultá den un kovenio di koperashon ku ta realisá e baimentu huntu aki.
|
Kokretamente esaki ta nifiká ku UMM ta desplasá su kuido pa e lokalidat di Dios Yudami. For di aki, UMM lo ofresé tratamentu den dia i akoida di anochi na klientenan di Klinika capriles. Dios Yudami ta mantene su funshon aktual di sentro habrí pa klientenan di FMA. Den fase mas despues lo ofresé akoida di anochi na klientenan di Dios Yudami tambe. Ámbos partido ta di opinion ku union di e fasilidatnan por trese benefisio konsiderabel kune, entre otro un efektividat mas haltu di e organisashon di kuido, habrimentu di posibilidatnan nobo pa akoida di anochi pa klientenan di Dios Yudami, hasi mihó uso di otro su ekspertisio riba tereno di tratamentu i guiamentu di kliente i realisashon di un oferta di tratamentu i guia ku ta pas mas ku e kliente. |
|
Meta Fahrenfort, Mènedjer General di FMA i Waldi OOstburg, Konseho di direkshon Klinika Capriles |
