For di kuminsamentu di 2020, Klinika Capriles tabata tuma tratamentu sikiátriko i sikológiko di klientenan tantu adulto komo hóben interná na Curaçao Medical Center pa su kuenta. Djabièrnè 10 di yüli 2020 CMC i Klinika Capriles, den persona di Gilbert Martina, presidente suplente di Hunta di Direktiva, Ingemar Merkies, direktor médiko di CMC i presidente di Hunta di Direktiva di Klinika Capriles Waldi Oostburg, a firma un akuerdo di kolaborashon di manera ku e tratamentunan na CMC desde e fecha aki ta ofisialmente na enkargo di e sikiater i sikólogonan di Klinika Capriles.

Ambos organisashon tin komo meta pa asina realisá un aserkamentu integral den e proseso di kurashon ku atenshon pa e salú i bienestar físiko i tambe mental di e pashèntnan interná na CMC.

 

 ContractondertekeningCMC KC 10 7 20