Den presensia di e Inspektor Salubridat, djarason 4 febrüari 2015, representantenan di Fundashon Kuido di Ambulans, Curaçaose Huisartsenvereniging, Klínika Capriles, Kuerpo Polisial Curaçao, PSI Skuchami i St. Elisabeth Hospitaal a firma e protokòl "Evaluashon, transportashon i atmishon obligá pashènt sikiátriko", tambe yamá e protokòl KZ (=krankzinnigenverklaring). E protokòl a keda realisá bou di supervishon di Inspekshon di Salubridat Públiko.
21 trapi...
Pa e pashèntnan di Pico Plata e 21 pida trapi den Punda hopi biaha ta representá tur lokual normalmente ta pasa kontra nan boluntat. Despues di subi e trapinan aki, òf asta sin subié mes, nan a haña nan mes den Klínika Capriles den Pico Plata pa haña tratamentu sin ke esaki.
I kada 3 te ku 6 luna e wes ku a manda nan bin, ta bin wak kon ta bai ku nan. Pa mayoria, kontakto ku "21 trapi" ta un eksperensha fèrfelu ku ta pone kos sosodé ku nan no tabata ke.
Ora e wes a bin evaluá nan delaster 'ei, nan no tabata spera kual a sosodé ora nan a mustra nan desaroyo.
Durante un enkuentro simpel pero festivo riba djaweps 8 mei 2014, Konseho di Atministrashon di GGz Curaçao den persona di Waldi Oostburg, ofisialmente a instalá Komishon di kliente di Fundashon Sonrisa.