Mishon

Nos ta konsiderá tur hende komo igual, ounke tin biaha e diferensianan ta grandi. Tur hende ta buska felisidat, amor, rekonosementu i satisfakshon i tur hende tin mesun derecho riba esei. Tambe hendenan ku pa motibu di problemanan síkiko, riba nan mes forsa no por duna kontenido na un eksistensia felis i ku sentido.

GGz Curaçao ta dirigí su mes riba mantenshon, rekuperashon i promoshon di e salú mental di hende ku problemátika sikososial i/o sikiátriko i di esnan ku ta kore e riesgo pa desaroyá e problemátika aki, i ta sali na defensa di tur prekondishon nesesario pa logra esaki.

Den nos trabou nos ta laga e siguiente ponensia guia nos:

" Huntu traha na kresementu i rekuperashon"

Vishon

1. E organisashonnan di kuido ku ta forma parti di GGz Curaçao ta ofresé un totalidat koherente di fasilidatnan dirigí riba kliente riba tereno di kuido di salú mental, tantu den esfera preventivo komo di sosten.
2. Nos ta duna kontenido na prevenshon di problemátika síkiko bou di gruponan vulnerabel den komunidat saliendo for di e pensamentu: "prevení ta mihó ku kura".
3. Nos ta duna sosten na hendenan ku a desaroyá un problemátika síkiko òf sikososial. Ku esaki ta kontribuí na e kresementu i rekuperashon di hendenan di tal forma ku nan por eksperensiá nan eksistensia atrobe komo felis i ku sentido. E ponementu sentral di e kliente ku rekuperashon komo meta i rehabilitashon komo método ta forma e karakterístika den esaki.
4. Den esfera di sosten ta kolaborá efektivamente ku vários segmento di komunidat ku ta relevante pa e grupo di enfoke. Bou di esaki nos ta komprondé entre otro e ret sosial di e kliente, dunadónan di trabou, kompania i skolnan, dunadónan di kuido i organisashonnan sosial.
5. Hasi investigashon i monitòr desaroyonan ta forma un parti sólido di i e aktividatnan di GGz Curaçao. Esaki pa haña un mihó bista riba efektividat di métodonan di tratamentu, e kultura di organisashon, e nesesidatnan di e grupo di enfoke i e manera kon efektivamente ta hasi uso di forsa laboral i medionan.
6. GGz Curaçao ta duna su servisio i produktonan na un nivel haltu i asina ta kumpli ku espektativa di klientenan i demas interesado.GGz Curaçao ta disponé pa esaki di un sistema di maneho di kalidad ku kual por realisá mehorashonnan kontínuo den e organisashon.
7. GGz Curaçao ta karakterisá su mes dor di un eksplotashon di empresa efisiente i flèksibel i solidaridat den henter e organisashon bou di trahadónan kompetente i satisfecho.