Un i tur ta invitá na e presentashon di klientenan di Klinika Capriles den kolaborashon ku studiantenan di IBB riba 21 di Aprel 2016, pa 17:30. Esaki lo ta e evento di klousura pa e residensia di Domenico Mangano (IT/NL) i Marieke van Rooy (NL) kende tabata artista di bishita na IBB pa e último kuater lunanan. E residensia di Mangano i Van Rooy lo resultá den un pelíkula eksperimental, den kual nan lo eksplorá e konsepto di 'dilution'.

13 di aprel 2016 a marka e di 80 aña di eksistensia di Klinika Capriles. Un echo ku, no opstante situashon aktual di Klínika, no por a laga pasa sin mas. P'esei, di forma modesto pero tòg festivo, tabatin un selebrashon kaminda di manera hopi kreativo, e diferente departamentunan a presentá interpretashon di e 8 dékadanan tras di lomba. Tabata un dia alegre i ku hopi ambiente.

Resientemente, via di nos terapista di músika Marjon Halmeyer-Roos i Music Therapy Center Curaçao, a haña donashon serka Boolchand's di 3 I-pod i headphone pa organisashonnan di Zorgfederatie. Un di nan lo bai pa departamentu Longstay.

Djabièrnè 11 di mart tras di lomba, tabata dia pa e anual "Pro Próhimo dag" di Albert Schweitzer Havo-VWO, kaminda alumnonan ta bai duna un man na diferente organisashon. Na Klínika Capriles tambe algun alumno a bin duna un man.

Djabièrnè 5 febrüari 2016, minister di Salubridat Públiko, Medio Ambiente i Naturalesa, sr. Victorina, a hasi un bishita di sera konosí na Klínika Capriles.

Ultimo notisia i aktividatnan

No events
  • Reglanan GGz Curaçao en konekshon ku situashon aktual di COVID-19

    Seguridat i salú di nos kliente, habitante, personal i bishitante ta na promé lugá pa nos. P’esei teniendo kuenta ku situashon aktual na Kòrsou, nos ta pidi pa tene kuenta ku siguiente reglanan ora subi tereno òf drenta edifisio di un di e organisashonnan di GGz Curaçao.

    Read more ...  
  • Akuerdo entre CMC i Klinika Capriles

    For di kuminsamentu di 2020, Klinika Capriles tabata tuma tratamentu sikiátriko i sikológiko di klientenan tantu adulto komo hóben interná na Curaçao Medical Center pa su kuenta. Djabièrnè 10 di yüli 2020 CMC i Klinika Capriles, den persona di Gilbert Martina, presidente suplente di Hunta di Direktiva, Ingemar Merkies, direktor médiko di CMC i presidente di Hunta di Direktiva di Klinika Capriles Waldi Oostburg, a firma un akuerdo di kolaborashon di manera ku e tratamentunan na CMC desde e fecha aki ta ofisialmente na enkargo di e sikiater i sikólogonan di Klinika Capriles.

    Read more ...