"Stichting Geestelijke Gezondheidszorg Curaçao" (GGz Curaçao) a keda fundá dia 7 di aprel 2010. Komo fundashon mama e ta responsabel pa garantisá e konsistensia den oferta di kuido di algun institushon di kuido ku ta aktivo riba e tereno di kuido di salú mental.

GGz Curaçao ta manehá i ta duna sosten na Stichting Algemeen Psychiatrisch Ziekenhuis Dr. David Ricadro Capriles "Klínika Capriles", Stichting Centrum voor Kinder- en Jeugdpsychiatrie " Yudaboyu", Fundashon Sonrisa pa bibienda protehá i Stichting Facilitair Bedrijf.

E fundashonnan aki ta ofresé nan servisio na komunidat di Kòrsou i huntu nan ta konta mas ku 275 trahadó.

Saliendo for di e ponensia "Huntu traha na kresementu i rekuperashon" organisashon ta disponé di un pakete amplio i posibilidatnan pa tratamentu sinkronisá riba e petishon i nesesidat di su klientenan. Ta duna tratamentu tantu den forma klíniko, poliklíniko komo parsial, outreach i bibienda protehá. Den esaki nos ta apliká Aktuashon Dirigí riba Rehabilitashon (Systematich Rehabilitatiegericht Handelen)

 



 

 

 

 

Ultimo notisia i aktividatnan

No events
  • Reglanan GGz Curaçao en konekshon ku situashon aktual di COVID-19

    Seguridat i salú di nos kliente, habitante, personal i bishitante ta na promé lugá pa nos. P’esei teniendo kuenta ku situashon aktual na Kòrsou, nos ta pidi pa tene kuenta ku siguiente reglanan ora subi tereno òf drenta edifisio di un di e organisashonnan di GGz Curaçao.

    Read more ...  
  • Akuerdo entre CMC i Klinika Capriles

    For di kuminsamentu di 2020, Klinika Capriles tabata tuma tratamentu sikiátriko i sikológiko di klientenan tantu adulto komo hóben interná na Curaçao Medical Center pa su kuenta. Djabièrnè 10 di yüli 2020 CMC i Klinika Capriles, den persona di Gilbert Martina, presidente suplente di Hunta di Direktiva, Ingemar Merkies, direktor médiko di CMC i presidente di Hunta di Direktiva di Klinika Capriles Waldi Oostburg, a firma un akuerdo di kolaborashon di manera ku e tratamentunan na CMC desde e fecha aki ta ofisialmente na enkargo di e sikiater i sikólogonan di Klinika Capriles.

    Read more ...