Komo esun ku ta referí, bo ta un konekshon importante den e dunamentu di yudansa. Abo huntu ku bo pashènt ta determiná si un referensia pa GGz Curaçao ta nesesario.

Indikashonnan pa referensia
Bo por mèldu pashènt na GGz Curacao pa diagnóstiko, tratamentu i guia. Banda di esei nos ta disponé di posibilidatnan pa akohida agudo di krísis sikiátriko i fasilidatnan pa bibienda protehá.


Ken mag di referí?
Pa un tratamentu serka un di e organisashonnan di GGz Curaçao mester di un referensia ofisial. Pashèntnan òf nan famia no por mèldu nan mes. E dòkter di kas ta e úniko ku por referí pa Klínika Capriles òf Yudaboyu.


Referensia pa departamentu Deeltijd di Klínika Capriles

Pa e departamentu Deeltijd di Klínika Capriles ta konta ku un dòkter di kas, spesialista òf instansia ku ke referí un kliente, tin ku tuma kontakto ku e sikólogo enkargá ku Deeltijd. E eksigensia di un karta di referensia di e dòkter di kas ta keda konta.


Referensia pa Fundashon Sonrisa

Pa Fundashon Sonrisa ta konta ku un enfermera sosial sikiátriko, un sikiater un dòkter di kas òf un otro profeshonal por mèldu un hende pa bibienda òf e sentro di aktividat. Pa esaki tin ku tuma kontakto ku e organisashon pa haña un formulario di aplikashon.


Bo no ta un persona ku por referí, pero bo ta señalá den bo ambiente ku un hende mester di yudansa den un problema sikiátriko? Konsehá e persona aki pa tuma kontakto ku su dòkter di kas.

 

Ultimo notisia i aktividatnan

No events
  • Reglanan GGz Curaçao en konekshon ku situashon aktual di COVID-19

    Seguridat i salú di nos kliente, habitante, personal i bishitante ta na promé lugá pa nos. P’esei teniendo kuenta ku situashon aktual na Kòrsou, nos ta pidi pa tene kuenta ku siguiente reglanan ora subi tereno òf drenta edifisio di un di e organisashonnan di GGz Curaçao.

    Read more ...  
  • Akuerdo entre CMC i Klinika Capriles

    For di kuminsamentu di 2020, Klinika Capriles tabata tuma tratamentu sikiátriko i sikológiko di klientenan tantu adulto komo hóben interná na Curaçao Medical Center pa su kuenta. Djabièrnè 10 di yüli 2020 CMC i Klinika Capriles, den persona di Gilbert Martina, presidente suplente di Hunta di Direktiva, Ingemar Merkies, direktor médiko di CMC i presidente di Hunta di Direktiva di Klinika Capriles Waldi Oostburg, a firma un akuerdo di kolaborashon di manera ku e tratamentunan na CMC desde e fecha aki ta ofisialmente na enkargo di e sikiater i sikólogonan di Klinika Capriles.

    Read more ...